Couscous mat Geméis

Couscous mat Geméis

mëttel
40 min.
5 Persounen
Wat brauch ech?
  • 1 Enn
  • 2 Knuewelekszéiwen
  • 4 El Olivenueleg
  • 1 rout Paprika
  • 5 Tomaten
  • 3 Courgette
  • 3 Wuerzelen
  • 1 Aubergine
  • Frësch Kraider (Thymian, Rosmarin, Bounekräitchen, Péiterséileg)
  • 1 l Geméisbritt
  • 500 g Couscous
  • 200 ml kachend Waasser
  • ½ Tl Salz
  • 2 El Ueleg
PDF icon Rezept downloaden (278.24 KB)
Preparatioun:
  1. D’Enn an d’Knuewelekszéiwe schielen a fäi wierfelen.
  2. Den Ueleg an engem groussen Dëppen erhëtzen, d’Enn an de Knuewelek dobäi ginn an ubroden.
  3. D’Paprikaen, d’Courgette, Tomaten, d’Wuerzelen an d‘Aubergine déi gewäsch, gebotzt a graff gewierfelt sinn, am Ueleg ubroden a liicht salzen, datt d’Waasser aus dem Geméis zéie kann. Gutt réieren datt d’Geméis net ubrennt.
  4. No 2-3 Minutten d’Geméisbritt bei d’Geméis schëdden, frësch Kraider dobäi ginn a bei hallef oppenem Deckel kache loossen, bis datt d’Geméis mell awer nach knackeg ass.
  5. Während d’Geméis kacht, de Couscous an eng Schossel maachen a mat kachendem Waasser iwwerschëdden. Salz an Olivenueleg drënner mëschen. No 5 Minutte mat enger Forschette verréieren.
  6. D’Geméis mat Salz an eventuell Curry ofschmaachen a mat dem Couscous vermëschen.