Ketchup

Ketchup

einfach
10 min.
10 Persounen
ketchup.jpg
Wat brauch ech?
  • 1250 g Tomaten
  • ½ rout Paprika
  • 1 Enn
  • 1 gepresste Knuewelekszéif
  • 100 ml Esseg
  • 75 g Zocker
  • Salz a Peffer
  • 2 Tl Ingwer
  • 2 Tl gemuele Paprika
  • 2 Tl Muskot

 

PDF icon Rezept downloaden (105.57 KB)
Preparatioun:
  1. Wäsch a schneit d’Tomaten an den Paprika.
  2. Looss d’Tomaten, de Paprika, d’Ennen an de Knuewelek an enger Kasserolle mat e wéineg Waasser fir ongeféier eng Stonn kachelen. Réier et vun Zäit zu Zäit em sou dass et net ubrennt; maach e wéineg Waasser dobäi wann et néideg ass.
  3. Püréier dat Ganzt, huel et dofir awer vun der Kachplack.
  4. Setz d’Kasserolle rem mat e wéineg Esseg, Zocker an all de Gewierzer op a looss et fir 1 an ½ Stonn kachelen.
  5. Schmaach a wann et nach net genuch gewierzt ass, maach nach e wéineg Peffer dobäi.
  6. Fell de Ketchup an 2 Glieser, dréi se fest zou a stell se op Kopp.
  7. Oppassen: Dëse Ketchup hält sech bis zu engem Joer mee soubal d’Glas eng Kéier opgemaach ginn ass muss een et am Frigo halen.