Séissgromperen Gromperekichelcher

Séissgromperen Gromperekichelcher

einfach
pk.png
Wat brauch ech?

 

Fir d’Gromperekichelcher:
  • 6 Séissgromperen (ongeféier 1,8 kg)
  • 6 mieleg Gromperen (ongeféier 900g)
  • 6 kleng Ennen
  • 3 Tl Salz
  • 6 Eeër
  • 12 El Miel
  • 3 Tl frësche Rosmarin, gehaen
  • Peffer
  • Sonneblummenueleg

Fir ze zerwéieren:

  • 12 El Quark
  • 9 Tl Raifortpaste
  • Äppelkompott

 

PDF icon Rezept downloaden (116.26 KB)
Preparatioun:
  1. D’Séissgromperen, d’Gromperen an d’Enne schielen a mat Hëllef vun enger Kichenmaschinne raaspelen. Mat Salz wierzen an an e Sift ginn, sou vill Flëssegkeet wie méiglech erauspressen.
  2. An eng Schossel ginn a mat den Eeër, Miel, Rosmarin vermëschen a mat Peffer wierzen. Alles gutt vermëschen.
  3. Ueleg an eng Pan ginn, sou dass de Buedem komplett bedeckt ass an erhëtzen. Den Ueleg ass waarm genuch, wann et brutzelt wann een e wéineg Gromperenraspel dra mëscht.
  4. Läffelsweis Gromperendeeg an d’Pan ginn an zu ronne Puffer formen. D’Puffer vun all Säit 3 Minutte broden. Dann aus der Pan huelen an op engem Teller mat Kichepabeier ofdrëpsen loossen.
  5. Virum Zerwéieren de Quark mat der Raifortpaste vermëschen a mat Salz a Peffer wierzen.
  6. D’Gromperenkichelcher mat der Raifortpaste an dem Äppelkompott zerwéieren.