Spaghetti Carbonara

Spaghetti Carbonara

einfach
15 min.
3 Persounen
Wat brauch ech?

Fir d’Nuddele ze kachen:

  • graft Salz (fir d’Nuddelwaasser)
  • Waasser
  • e grousst Dëppe


Fir d’Carbonara-Zooss:

  •  4 Eeër
  • 4 Iessläffel Ram
  • 150 g Speck
  • 3-4 Zoppeläffel Parmesan
  • bësse gemuele Muskot-Noss
  • Peffer

 

PDF icon Rezept downloaden (309.96 KB)
Preparatioun:
  1. Waasser an dat grousst Dëppe fellen, op d’Kachplack stellen an un d’Kache bréngen.
  2. Salz an dat kachend Waasser maachen.
  3. Soubal d’Waasser kacht, d’Spaghetti an d’Waasser schëdden a bei oppenem Deckel al dente kachen. Fir datt d’Nuddelen am Waasser net uneneen oder um Buedem upeschen, heiansdo am Dëppe réieren.
  4. Déi fäerdeg Nuddelen an engem Sift ofschëdden a nees an Dëppe maachen.
  5. Fir datt se net uneneen peschen, e bëssche Botter oder Ueleg ennermëschen.
  6. D’Eeër opklappen an opschloen. Mat dem Parmesan mëschen a Peffer a Muskot wierzen.
  7. De Speck an der Pan knuspereg broden.
  8. D’Eeër-Mëschung an de Speck iwwert dei färdeg Nuddele schëdden an alles gutt vermëschen.
  9. Mat Parmesan a Peffer zerwéieren.