Firwat?
Beweegung am Alldag ass wichteg, fir gesond ze bleiwen. Sech all Dag ze beweegen hëlleft d’Häerz, d’Muskelen an d’Knachen ze stäerken, d’Laun an d’Konzentratioun ze verbesseren a Gesondheetsproblemer wéi Iwwergewiicht, Diabetes oder Gelenkschmerzen ze vermeiden.
Sech genuch ze beweegen ass dat wichtegst : trëppelen, mam Vëlo fueren, danzen oder d’Trapen huelen amplaz vum Lift – alles zielt!
Wéi vill?
D’WHO recommandéiert de Kanner a Jugendlecher vu 5 bis 17 Joer op d’mannst 1 Stonn den Dag aktiv ze sinn. Dovunner sollen op d’mannst 3 Mol d’Woch Aktivitéite sinn, déi d’Muskelen an d’Knachen stäerken. Wat een sech méi beweegt, wat et besser ass! (Kuck: WHO-Richtlinnen)
Maach dir keng Suerge wann’s du net all Dag op 60 Minutte kënns, all Beweegung zielt. Du sichs no Motivatioun : Apps, Musek, Influencer… du hues d’Wiel!
Mat der GoodFoodLoop-Tour kriss du d’Méiglechkeet vill verschidde Sportaarten ze entdecken. Vläicht fënns du eppes, wat dech begeeschtert a wouduerch s du dech richteg wuel fills.
Denkt drun: Et ass net schlëmm, wann s du net all Sportaart gären hues. Dat Wichtegst ass, eng Aktivitéit ze fannen déi dir Spaass mécht an dech motivéiert drun ze bleiwen!
