Challenge "Good"

Hei fënns de perséinlech Challenge déi speziell entwéckelt goufe fir däi mentaalt Wuelbefannen ze testen an ze stäerken. Dës Aktivitéite kënnen der hëllefen deng Stäerkte besser ze erkennen an aner Weeër ze entdecke fir däi mentaalt Gläichgewiicht ze verbesseren. All Challenge ass eng Geleeënheet fir ze léieren all Dag e bësse besser säi Kapp a Kierper ze geréieren.

Beispiller:

• Challenge “Moien Zen”

Fänk eng Woch laang all Dag mat 10 Minutte Meditatioun oder déiwem Ootmen un. Vermeit däi Smartphone a genéiss e rouege Moment fir dech ze fokusséieren ier däin Dag richteg ufänkt.

• Challenge vun der Dankbarkeet

Schreif all Owend 3 positiv Saachen op déi s de den Dag erlieft hues – och kleng Momenter, wéi e Laachen oder e gudde Kaffi. Hal dir e klengt Notizbuch wou’s de dës Momenter notéiere kanns.

• Challenge ouni Ecran virum schlofe goen

Schalt eng Woch laang eng Stonn virum schlofe goen all Ecranen aus. Notz dës Zäit fir eng entspaant Aktivitéit: e Buch liesen, schreiwen oder eng kleng Stretching-Sessioun maachen.